Hindistanda kiçik qızın xilas edilməsi üçün dramatik əməliyyat davam edir
Hindistanda artıq bir həftəyə yaxındır ki, ümumi dərinliyi 200 metrdən çox olan quyunun 45 metrliyində qalan Çetna adlı kiçik qızın xilas edilməsi üçün intensiv əməliyyat aparılır. 200 metrdən çox dərinliyə malik quyuda sıxışıb qalan uşaq artıq 130 saatdan çoxdur ki, yemək və sudan məhrum vəziyyətdədir. Xilasedicilər onu ölümcül tələdən çıxarmaq üçün bütün səylərini səfərbər ediblər.
Çetna 5 gün əvvəl quyuya içinə düşüb və o vaxtdan bəri hərəkət əlamətləri göstərməyib. Xilasedicilər gecə-gündüz çalışaraq uşağa çatmaq üçün paralel tunel qazmağa cəhd edirlər. Lakin sərt qayalar və quyunun dar diametri əməliyyatı ciddi şəkildə çətinləşdirir.
