Rus imperatoru I Pyotrun abidəsinin Moskvadan götürülməsi təklif olunub.
İnsanoid.com xarici KİV-ə istinadən xəbər verir ki, belə bir təkliflə Sankt-Peterburq Qanunverici Məclisinin (Zaksobraniye) "Yeni İnsanlar" fraksiyasının rəhbəri Dmitri Pavlov çıxış edib.
O, I Pyotrun abidəsinin Moskvadan Sankt-Peterburqa köçürülməsini təklif edib.
Deputatın fikrincə, abidənin yeri Peterburqdur.
Qeyd edək ki, bir çox moskvalı Pyotrun 30 il bundan öncə heykəltəraş Zurab Tsereteli tərəfindən yaradılmış abidəsini bəyənmir. Onlar hesab edirlər ki, bu, Moskvanın mərkəzini eybəcərləşdirir və tarixi tikililərə uyğun gəlmir.
