III ixtisas qrupu üzrə 1 300 yer əlavə olunacaq. Bu barədə Dövlət İmtahan Mərkəzinin nümayəndəsi Məleykə Abbaszadə oktyabrın 28-də məlumat verib.
“Bu, 300 bal toplayıb ali məktəblərə qəbul olmayanlar üçün şans deməkdir. Yuxarı reytinqli ixtisaslarda vəziyyət olduğu kimi qalacaq”, - deyə nümayəndə söyləyib.
Onun sözlərinə əsasən, dəyişiklik III qrupdakı gərginliyi aşağı salacaq.
Abituriyentlər arasında gərginliyə səbəb isə bir gün öncə III ixtisas qrupunda bəzi ixtisaslar üzrə imtahanlara coğrafiya fənninin əlavə edilməsi olub. Həmçinin III qrupda olan ixtisaslar dil-tarix və tarix-coğrafiya altqruplarına bölünüb.
