İsrailin müdafiə naziri İsrael Katz yəhudi dövləti ilə İordaniya sərhədində hasarın tikintisini fəal şəkildə təşviq edəcəyini bildirib.
İnsanoid.com "The Jerusalem Post" qəzetinə istinadən xəbər verir ki, o, bu barədə İsrail Ordusunun Mərkəzi Komandanlığına səfəri zamanı bildirib.
"Biz İranın İsrailə qarşı şərq cəbhəsi yaratmaq üçün yorulmaz səylərini qeydə alırıq. Mən İsrail və İordaniya sərhədində hasarın tikintisini fəal şəkildə təşviq etmək qərarına gəldim", - İsrail Müdafiə Nazirliyinin rəhbəri bildirib.
Xatırladaq ki, Yaxın Şərqdə Fələstinin HƏMAS radikal hərəkatının yaraqlılarının 2023-cü il oktyabrın 7-də Qəzza zolağından İsrail ərazisinə sızmasından, sərhəd yaşayış məntəqələrinin sakinlərinin öldürülməsi və insanların girov götürülməsindən sonra vəziyyət kəskin şəkildə pisləşib.
