Avqust ayında İsrail Müdafiə Qüvvələri mülki şəxslərin Qəzza zolağındakı yaşayış yerlərini tərk etmələrini tələb edən əmrləri 213 min fələstinlini əhatə edib.
İnsanoid TASS-a istinadən xəbər verir ki, bu barədə BMT-nin İşğal olunmuş Fələstin Ərazilərindəki Humanitar Məsələlərin Əlaqələndirilməsi İdarəsi məlumat yayıb.
Bildirilib ki, avqustun əvvəlindən İsrail hərbçiləri Xan Yunis, Deyr əl-Bələh və daha az ölçüdə Qəzzanın şimalında 213 min nəfəri əhatə edən 9 təxliyə əmri veriblər. Beynəlxalq təşkilatın məlumatına görə, Əl-Məvasi bölgəsində əhalinin sıxlığı kəskin artıb, hər kvadratkilometrdə 30-34 min nəfər arasında dəyişir. Münaqişədən əvvəl bu göstərici hər kvadratkilometrə 1,2 min nəfər olub.
Hesabatın müəllifləri vurğulayıblar ki, bu, regionda humanitar vəziyyəti ciddi şəkildə pisləşdirir.
