Kəlbəcər yaylaqlarına ilk dəfə köçürülmüş arıçılıq təsərrüfatlarında bu ilin sonuncu bal süzümünə başlanılıb. Bu barədə 9 avqust tarixində APA TV məlumat verib.
Arıçılıq təsərrüfatlarının sahibləri 30 kiloqram məhsul götürməyi hədəfləsələr də, məhsuldarlıq daha çox olub.
“28 ildən sonra ilk dəfə təsərrüfatlarımızı doğma Kəlbəcər yaylaqlarına köçürmüşük. Mən 50 pətək gətirmişəm. Hər pətəkdən 45-50 kiloqram bal süzdük”, - arıçı Vahid Məmmədov söyləyib.
Kənd Təsərrüfatı Nazirliyinin pilot layihəsi çərçivəsində Kəlbəcər və Laçın yaylaqlarına ümumilikdə 4068 arı ailəsinin köçürülməsi təmin edilib. Öz təsərrüfatlarını yaylaqlarına köçürməyə razılıq vermiş fermerlərə ANAMA-nın əməkdaşları tərəfindən müvafiq təlimlər keçirilib.
