Kürdəmirdə Məmməd Əmin Rəsulzadənin adını daşıyan 2 saylı tam orta məktəb-liseyin binası qəzalı vəziyyətdədir. Bu barədə Report oktyabrın 12-də məlumat yayıb.
“Məktəbimiz qəzalı vəziyyətdədir. Bu tədrisin səviyyəsinə təsir etməsə də davamiyyətə təsir edir. Ona görə də biz həm Təhsil Nazirliyi, həm də rayon rəhbərliyinə bu barədə məlumat vermişik”, - deyə Kürdəmir rayon Təhsil Şöbəsinin müdiri Rafael Məmmədov bildirib.
Sözügedən təhsil müəssisəsi şagirdlərin sayına görə rayonun ən böyük məktəbi sayılır. 3 mərtəbə və 2 korpusdan ibarət olan məktəbdə kollektivin sayı 1500-ə yaxındır.
