"Birbank" istifadəçilərinə göndərilən bildirişdə 27 noyabrdan etibarən "Kapital Bank" ATM-lərindən nağdlaşdırma və digər bank kartlarına köçürmə əməliyyatları üçün 1% komissiya tətbiq ediləcəyi açıqlanıb.
Məsələ ilə bağlı "Kapital Bank"dan İnsanoid.com-a bildirilib ki, komissiyasız aylıq nağdlaşdırma və köçürmə limiti müştərilərin maliyyə davranışına əsasən fərdi qaydada müəyyən olunur. "27.11.2025-ci il tarixindən etibarən bəzi müştəri qruplarında "Birbank"a məxsus bankomatlardan nağdlaşdırma və "Birbank" kartlarından digər ölkədaxili bank kartlarına köçürmələr üçün əvvəl mövcud olan komissiyasız məxaric limiti ləğv ediləcək. Bu əməliyyatlar üzrə tətbiq olunacaq yeni komissiya: 1% (minimum 1 AZN/USD/EUR). Lakin "Birbank" kartlarından şəxsi vəsaitinizi "Birbank" (Kapital Bank) kartına köçürmə zamanı məxaric olunan kartdan komissiya tutulmur".
