Buenos-Ayresdə dünyasını dəyişən keçmiş "One Direction" qrupunun üzvü Liam Peynin ölümü ilə bağlı detallar açıqlanıb.
İnsanoid.com Xarici KİV-lərə istinadən xəbər verir ki, keçmiş "One Direction" solisti Liam Peyn qrup yoldaşı Nial Horan ilə münasibətlərini yaxşılaşdırmaq üçün Argentinaya səfər edib. O, bu barədə ölümündən iki həftə əvvəl sosial mediada paylaşdığı videoda bəhs edib. Payne, uzun müddətdir Horanla danışmadığını və bəzi məsələləri həll etmək istədiyini bildirib.
Məşhur ulduz Argentina səfərinə sevgilisi Keyt Kessidi ilə başlasa da, qadın səfərdən təkbaşına qayıdıb. Buna səbəb Peynin planlaşdırılan müddətdən artıq orada qalması olub. Liam Peynin həmin səfərdə Horanla barışıb-barışmadığı məlum deyil, lakin 2 oktyabrda Liamın konsertdə əyləndiyi və bu barədə sosial mediada paylaşımlar etdiyi məlumdur.
Peyn və Horan arasında olan anlaşılmazlığın konkret səbəbi bəlli olmasa da, bəzi mənbələrdə bunun Liamın "One Direction" qrupu haqqında etdiyi tənqidi açıqlamalarla bağlı olduğu ehtimal edilir.
Bundan əlavə, məlum olub ki, Buenos-Ayresdə dünyasını dəyişən keçmiş One Direction qrupunun üzvü Liam Peynin yıxılması nəticəsində kəllə tasında sınıq əmələ gəlib və onu xilas etmək mümkün olmayıb.
Musiqiçinin qaldığı otelin rəhbərliyi təcili tibbi yardım xidmətinə narkotik maddələrdən həddindən artıq istifadə etmiş bir qonaqla əlaqədar müraciət edib. Argentina mediasının məlumatına görə, otel otağında sınıq televizor və kokain izləri aşkar edilib.
“People” jurnalının məlumatına görə, Liam Peyn ölümündən əvvəl keçmiş nişanlısı, amerikalı model Maya Henry ilə olan hüquqi məsələlər səbəbindən depressiyada idi.Sənətçi yıxıldığı üçün kəllə tasında sınıq və çat əmələ gəlib və onun həyatını xilas etmək mümkün olmayıb.
08:18
Böyük Britaniyalı müğənni, keçmiş "One Direction" qrupunun üzvü Liam Peyn Buenos-Ayresdəki oteldə ölü tapılıb.
İnsanoid.com Xarici KİV-lərə istinadən bildirir ki, 31 yaşlı sənətçi üçüncü mərtəbədən yıxılaraq həyatını itirib.
