Noyabrın 16-sı saat 11:00 radələrində Ermənistan silahlı qüvvələri qəfil hərbi əməliyyata başlayaraq Kəlbəcər və Laçın rayonlarındakı döyüş postlarına hücum edib. Bu haqda Müdafiə Nazirliyindən məlumat verilib.
Onlar müxtəlif atıcı silahlar və qumbaraatanlardan istifadə edərək döyüş postlarımıza zərər vurub. Nəticədə iki hərbi qulluqçumuz yaralanıb. Yaralılara dərhal ilkin tibbi yardım göstərilib.
Erməni hərbçiləri ordumuz tərəfindən dərhal tərksilah edilərək saxlanılıb. Onlardan xeyli sayda müxtəlif çaplı silah və külli miqdarda sursat qənimət kimi götürülüb.
