Bugün Şəkidə içərisində koronavirus xəstəsi olan təcili tibbi yardım maşını qəzaya düşüb. Bu barədə dekabrın 27-də Report məlumat yayıb.
Hadisə şəhərin Salman Mümtaz küçəsində baş verib. Belə ki, Qaxdan hərəkət edən təcili tibbi yardım maşını yük avtomobili ilə toqquşub. Nəticədə təcili tibbi yardım maşınının sürücüsü və Qaxdan Qobustan rayonuna aparılan koronavirus xəstəsi xəsarət alıb.
Faktla bağlı araşdırma aparılır.
