Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov 5-ci Beynəlxalq Bankçılıq Forumunda bizneslərin rəqəmsallaşması fonunda nağdsız ödənişlərin genişləndirilməsi barədə danışıb. Bu barədə Agentlik 8 dekabr tarixində məlumat verib.
Onun sözlərinə görə, innovativ texnologiyaların geniş tətbiqi nəticəsində son illər ərzində rəqəmsal transformasiya prosesi daha da sürətlənib.
Tədbirdə həmçinin KOB-lar üçün qrant müsabiqəsi, “Startap” şəhadətnaməsi, daxili bazar araşdırması mexanizmləri, kobmarket.az və video təlim platformaları barədə məlumat verilib.
5-ci Beynəlxalq Bankçılıq Forumu dekabr ayının 9-dək davam edəcək.
