Kiçik və Orta Biznesin İnkişafı Agentliyi (KOBİA) və Rusiya İxrac Mərkəzi arasında əməkdaşlığa dair Anlaşma Memorandumu imzalanıb. Bu barədə 17 noyabr tarixində KOBİA-nın rəsmi səhifəsində məlumat yayılıb.
Sənəd “Ağıllı şəhər”ə dair Rusiyanın biznes missiyası ilə görüş çərçivəsində imzalanıb. Memorandum kiçik və orta sahibkarlıq sahəsində əməkdaşlığın genişləndirilməsini, ixrac və sənaye sektoru üzrə məlumat mübadiləsini və sair istiqamətlərdə əməkdaşlığı nəzərdə tutur.
KOBİA 2017-ci ildə yaradılıb. Agentlik kiçik və orta biznesin inkişafını dəstəkləyir, KOB subyektlərinə bir sıra xidmətlər göstərir, dövlət orqanlarının bu sahədə xidmətlərinin əlaqələndirilməsini və tənzimlənməsini təşkil edir.
