Dekabrın 20-25-də qeyri-səlis məntiq nəzəriyyəsinin banisi Lütfi Zadə adına beynəlxalq olimpiada keçiriləcək. Bu haqda dekabrın 15-də Təhsil Nazirliyi məlumat verib.
Olimpiada məktəblilər arasında riyaziyyat və informatika fənləri üzrə təşkil olunacaq və orada dünyanın müxtəlif ölkələrindən məktəblilər iştirak edəcəklər.
Dekabrın 20-də olimpiadanın açılış mərasimi, dekabrın 22-də riyaziyyat, dekabrın 23-də informatika fənni üzrə yarış keçiriləcək. Dekabrın 25-də isə qaliblərin elan edilməsi və bağlanış mərasiminin təşkili nəzərdə tutulub.
