Lerikdə torpaq sürüşməsi yenidən aktivləşib. Bu barədə aprelin 1-də Report məlumat paylaşıb.
Sürüşmə rayonun Ordahal və Veri-Əliabad kəndlərində baş verib. Nəticədə Veri-Əliabad kəndində 6, Ordahalda isə 4 ev üçün təhlükə yaranıb.
Hadisə ilə bağlı rayonun fövqəladə hallar üzrə komissiyası məlumatlandırılıb.
Veri-Əliabad kəndi ərazisində əvvəllər də bir neçə dəfə torpaq sürüşmələri baş versə də, Ordahaldakı sürüşmə yeni aktiv ərazi hesab olunur.
Torpaq sürüşmələrinə son zamanlar yağıntı miqdarının normadan çox olması səbəb olub.
