"Yaxın vaxtlarda kənd sakinlərinin Ağıllı kəndə köçürülməsinə başlanılacaq". Bunu noyabrın 12-də "Report"a açıqlamasında Kənd Təsərrüfatı Nazirliyinin Aqrar Xidmətlər Agentliyinin sədri deyib.
“Ağıllı kənddə ilkin mərhələ üzrə işlər yekunlaşmaq üzrədir. Dayanıqlı məskunlaşma üçün ilk növbədə məktəbdə, xəstəxanada, marketdə, icra nümayəndəliyində çalışan insanları köçürməliyik, daha sonra digər insanların köçürülməsi təmin ediləcək”, - nazirliyin nümayəndəsi qeyd edib.
Bildirilib ki, gələn ilin ilk 5 ayında sakinlərin köçürülməsi tamamilə yekunlaşa bilər. Köçürülmə könüllü olacaq və bu il başlayacaq. Kimlərin istəyi olacaqsa, bu ilin sonuna doğru onların köçürülməsinə başlanıla bilər. Təxminən 1 400 nəfərin köçürülməsi nəzərdə tutulur.
