London Paris və Dublini geridə qoyaraq, Avropanın ən çox tıxac olan şəhəri mövqeyini saxlayıb.
Nəqliyyat analitikası şirkəti "Inrix"in məlumatına görə, ötən il Londonda sürücülər orta hesabla 101 saatını tıxacda keçirib ki, bu da əvvəlki illə müqayisədə 2% artım deməkdir. Şəhərdə tıxacda keçən saatların sayı 2022-ci ildə 97, 2023-cü ildə isə 99 olub.
Londonda A40 Westway yolu ən çox tıxac olan yol kimi qiymətləndirilib, xüsusilə saat 17:00-18:00 arasında vəziyyət ən pis olur.
Londondan sonra Paris (97 saat tıxac) və Dublin (81 saat tıxac) gəlir.
"Inrix" şirkəti Londondakı tıxacın ümumi iqtisadi təsirini təxminən 3,85 milyard funt sterlinq (şəhərin 4 milyon sürücüsü üçün hər birinə 942 funt) dəyərində hesablayıb.
Bristol və Leeds isə müvafiq olaraq 65 və 60 saat tıxacla, Birləşmiş Krallığın ən çox tıxac olan şəhərləri sırasında Londondan sonra yer alıb.
