Əməkhaqlarının bir hissəsinin birgə maliyyələşdirilməsi proqramı çərçivəsində ümumilikdə 1330 göndəriş verilib. Bu barədə 21 dekabr tarixində Dövlət Məşğulluq Agentliyinin rəsmi səhifəsində məlumat verilib.
Artıq proqram çərçivəsində 180 işəgötürənlə əməkdaşlıq müqaviləsi imzalanıb. Layihədə şəhid ailəsi üzvlərinə, müharibə əlillərinə və iştirakçılarına, əlilliyi olan şəxslərə üstünlük verilir.
“Məşğulluq” altsisteminə işəgötürənlər linkinə daxil olaraq vakansiyalarını yerləşdirə bilərlər. Bu proqram əsasında işlə təmin edilən şəxslərin 2 il ərzində əməkhaqlarının bir hissəsi Dövlət Məşğulluq Agentliyi tərəfindən maliyyələşdirilir.
