Bu gündən ümumi təhsil müəssisələrinə müddətli müqavilə ilə müəllimlərin işə qəbulu üçün növbəti vakansiya seçiminə start verilib. Bu haqda Təhsil Nazirliyi sentyabrın 22-də məlumat yayıb.
Vakansiya seçimi bugün saat 11:00-da başlayıb və 24 sentyabr saat 10:59-da başa çatacaq. Namizədlər şəxsi səhifələrinə daxil olaraq 4 vakant yer seçimi edə bilərlər. Seçimdə yalnız müsabiqənin test imtahanı mərhələsində 30 və daha yüksək bal toplamış şəxslər iştirak edə bilər.
Vakant yer tutduqdan sonra imtina edən namizədlərin növbəti turlarda iştirakı təmin olunmayacaq.
Bundan əvvəl, 16-17 sentyabr tarixlərində S.C.Pişəvəri adına Respublika Humanitar Fənlər Gimnaziyasında keçirilən müsahibənin nəticələri namizədlərin şəxsi səhifələrinə göndərilib.
