2 nömrəli texniki-humanitar liseyin sabiq direktoru Bəkir Mustafayev cinayət məsuliyyətindən azad edilib. Bu barədə 4 dekabr tarixində Apa məlumat verib.
Məlumata görə, sözügedən şəxs dəymiş ziyanı tam və cinayət prosesində vurulmuş ziyanın 25%-ni dövlət büdcəsinə ödədiyi üçün cinayət işinə xitam verilib. Vurulmuş ziyan 34 min 102 manat təşkil edib.
Qeyd edək ki, sabiq direktor “mənimsəmə və ya israf etmə” maddəsi ilə ittiham olunmuşdur.
