“Məşğulluq marafonu” çərçivəsində 367 şəhid ailəsi üzvü və qazi işlə təmin olunub. Bu barədə Əmək və Əhalinin Sosial Müdafiəsi Nazirliyi 6 avqust tarixində öz rəsmi səhifəsində məlumat verib.
Marafona qoşulan işəgötürənlərin sayı 375-ə, təqdim edilən vakansiyaların sayı isə 1607-ə çatıb. İşəgötürənlərin 180-i dövlət, qalanları özəl müəssisələrdir. Onlardan 221-i xidmət, 105-i emal, 32-i kənd təsərrüfatı, 17-i tikinti sahəsinə aiddir. İşə götürülənlərin çoxu 18-29 yaş arası şəxslərdir. İşlə təmin olunanlardan 87-i şəhid ailəsi üzvü, 280-i isə qazidir.
İşlə təmin olunmaq üçün şəhid ailəsi üzvləri və qazilər linkə daxil olub qeydiyyatdan keçə bilərlər.
Şəhid ailələrinin üzvləri və müharibə veteranlarının məşğulluq tədbirləri çərçivəsində son 6 ayda 47 min 400 nəfər işlə təmin olunub, 7 min nəfər özünüməşğulluq proqramına, 56 min nəfər isə ictimai işlərə cəlb olunub.
