Masallıda 15 yaşlı qızın ərə verilməsi ilə bağlı polis, Rayon İcra Hakimiyyətinin və Ailə, Qadın və Uşaq Problemləri üzrə Dövlət Komitəsinin əməkdaşları tərəfindən araşdırma aparılıb. Bu haqda Report məlumat yayıb.
Məlum olub ki, oğlanın valideynləri rayonun Təzə Alvadı kənd sakini, 2007-ci il təvəllüdlü qızın evinə elçi gediblər. Ailə azyaşlı qızının elçi düşən oğlanla nişanlanmasına icazə verib.
Hər iki tərəfin valideynləri ilə profilaktik söhbətlər aparılıb. Qızın 18 yaşı tamam olmayınca toyun keçirlməməsi ilə bağlı izahatları alınıb.
***
12:19
Masallı rayonunda məktəbli qızın ərə verilməsi ilə bağlı araşdırmalara başlanılıb. Bu haqda yanvarın 31-də Ailə, Qadın və Uşaq Poblemləri üzrə Dövlət Komitəsinin rəsmisi Teymur Mərdanoğlu bildirib.
“Rayonun Alvadı kəndində yeniyetmə qızın ərə verilməsi barədə məlumatlar təsdiqini taparsa, müvafiq tədbirlər görüləcək”, - deyə qurumun nümayəndəsi vurğulayıb.
Qeyd edək ki, sosial şəbəkələrdə yetkinlik yaşına çatmayan qızın evləndirildiyi və uzun müddət təhsildən kənarlaşdırıldığı haqda məlumatlar yayılıb.
