Masallı rayonunda qətl hadisəsi baş verib. Bu barədə İnsanoid Report-a istinadən bu gün, 19 sentyabr tarixində xəbər verir.
Hadisə Musaküçə kəndində baş verib.
Yerli sakin, 25 yaşlı Elməddin Kərimov yaralı halda təcili yardım xidmətinin köməyi ilə xəstəxanaya çatdırılıb. Həkimlərin müdaxiləsinə baxmayaraq, onun həyatını xilas etmək mümkün olmayıb.
Qətlə yetirilən Elməddin Kərimovla Masallı rayonunun Viləş kənd sakini Fuad Əsgərov arasında şəxsi zəmində mübahisə baş verib. Bu zaman Fuad Əsgərov dostu, Masallı rayonunun Qızılağac kənd sakini Höccət Soltanova zəng edib. Hər üç şəxs "Olimpiya kompleksi" deyilən ərazidə mübahisəyə son vermək üçün görüşüblər. Bu zaman Höccət Soltanov üzərində olan bıçaqla Elməddin Kərimovu ürək nahiyəsindən bıçaqlayıb.
Keçirilən əməliyyat-axtarış tədbirləri nəticəsində Fuad Əsgərov və Höccət Soltanov şübhəli şəxs qismində saxlanılaraq, istintaqa cəlb olunublar.
Faktla bağlı araşdırma aparılır.
