Masallıda qanunsuz yolla ağac kömürü istehsal edilən quyular aşkarlanıb. Bu barədə 8 avqust tarixində Dövlət Ekoloji Təhlükəsizlik Xidməti məlumat yayıb.
Quyular Masallı rayonunun Yolağacı kəndi ərazisində - vətəndaşların həyətyanı sahələrində aşkar edilib.
Qanunsuz kömür istehsal edən şəxslərin Masallı rayon sakinləri Vüqar Abbasov, Samir Abbasov, Maarif Şirəliyev, Əfsər Qurbanov, Fariz Məmmədov və Afər İbişov olduqları məlum olub.
Faktlarla bağlı həmin şəxslər barəsində akt, protokol tərtib edilib, qanunamüvafiq tədbirlər görülüb. Kömür quyuları ləğv olunub.
Ekologiya və Təbii Sərvətlər Nazirliyi ətraf mühitin mühafizəsi, qanunsuz kömür istehsalının qarşısının alınması məqsədilə "Qanunsuz kömür istehsalı ilə birgə mübarizə aparaq” aksiyasına başlayıb.
