Masazır qəsəbəsinin Əliağa Vahid küçəsindəki yaşayış kompleksində 14 mərtəbəli 3 binada 1 və 2 otaqlı mənzillər kirayəyə verilir. Bu barədə 5 oktyabr tarixində İpoteka və Kredit Zəmanət Fonduna istinadən Report məlumat verib.
63 m² və 87 m² mənzillərin aylıq qiymətləri müvafiq olaraq 320 manat və 441 manatdır.
Mənzillərin hamısı tam təmirlidir və kommunal xidmətlərlə təmin olunub, həmçinin mülkiyyət hüququ dövlət qeydiyyatına alınıb.
Kirayə müqaviləsinin bağlanılması üçün vətəndaşlar İpoteka və Kredit Zəmanət Fonduna müraciət etməlidirlər.
