Şəmkir rayonunda qadını bıçaqla hədələyərək 15 min manatlıq qızıllarını ələ keçirən bacı-qardaş saxlanılıb.
Report-un əldə etdiyi məlumata görə, hadisə noyabrın 26-da rayon ərazisində qeydə alınıb. Naməlum şəxslər T. Əliyevanın (şərti ad) ümumilikdə 15 064 manat dəyərində qızıl-zinət əşyalarını, mobil telefonunu və pulqabısını aparıblar.
Araşdırma nəticəsində hadisəni törətməkdə şübhəli bilinən Sənani Misirov və onun ögey bacısı Gülnar Həşimzadə saxlanılıb.
Hər iki şəxs barəsində Cinayət Məcəlləsinin “quldurluq, qabaqcadan əlbir olan bir qrup şəxs tərəfindən törədildikdə” və “quldurluq, xeyli miqdarda əmlak əldə etmək məqsədi ilə törədildikdə” maddələri ilə həbs qətimkan tədbiri seçilib.
