Şəmkir Rayon Mərkəzi Xəstəxanasında baş həkimin əlillik dərəcələri haqqında saxta sənəd verdiyi məlum olub. Bu haqda dekabrın 8-də Baş Prokurorluq məlumat yayıb.
Belə ki, baş həkimi vəzifəsində işləmiş Ayaz İbrahimov Terapiya şöbəsinin müdiri Fəxrəddin Quliyevlə əlbir olaraq 8 nəfərə əlillik dərəcəsi təyin edib. Onlar xəstəxananın digər işçilərinin və rayon sakinlərinin köməkliyi ilə 20,8 min manat məbləğində rüşvət alıblar. Ümumilikdə saxta əlillik dərəcəsi təyin edilənlərə 40 min manat məbləğində pensiya ödənilib.
Sözügedən şəxslərə “rüşvət alma” və digər maddələr ilə ittiham elan edilib. Fəxrəddin Quliyev həbs edilib.
