Şəmkirdə yanğın baş verib. Bu haqda FHN aprelin 6-da məlumat yayıb.
Hadisə rayonun Əliyaqublu kəndində qeydə alınıb. Kənd sakini Cəmilə Məmmədovaya məxsus evdə anidən yanğın başlayıb. Yanğın zamanı hadisə yerində ev sahibinin meyiti aşkarlanıb.
Hadisənin başvermə səbəbləri araşdırılır.
Bundan başqa, Kürdəmirdə minik avtomobili yanıb. Rayonun Ərşəli kəndində “LADA” markalı minik avtomobilinin yanar hissələri yanıb. Yanğın söndürülüb və yaxınlıqdakı tikililər yanğından mühafizə olunub.
