Aqrar Subsidiya Şurası 2022-ci il üzrə bitkiçilik sahəsində bitkilər və regionlara görə əkin, məhsul və toxum əmsallarının, toxum və ting kvotalarının və əkin ehtiyaclarının müəyyən edilməsi barədə qərar qəbul edib. Bu barədə 7 sentyabr tarixində Kənd Təsərrüfatı Nazirliyi məlumat verib.
Qərara əsasən, pambıq, şəkər çuğunduru və tütün bitkiləri üzrə 2022-ci ildə əkin subsidiyası məhsul subsidiyası ilə əvəzlənəcək və məhsul subsidiyasının miqdarı artırılacaq.
Fermerlər təhvil verdikləri pambığın hər tonuna görə 170 manat (bundan əvvəl 100 manat), Virciniya sortu üzrə yaşıl tütünün hər tonuna görə 26 manat (əvvəl 5 manat), quru tütünün hər tonuna görə 180 manat (əvvəl 50 manat), yaş tütünün hər tonuna görə 18 manat (əvvəl 5 manat) və şəkər çuğundurunun hər tonuna görə 12 manat (əvvəl 4 manat) məhsul subsidiyası alacaqlar.
Əkin əmsalları və əkin subsidiyasının məbləği haqqında ətraflı aşağıdakı cədvəldən əldə etmək olar.
| Bitki növləri | Əkin əmsalı | Əkin subsidiyası (manat/ha) |
| Çəltik | 1.8 | 360 |
| Soya: | ||
| əsas əkinlər | 1.4 | 280 |
| təkrar əkinlər | 0,43 | 86 |
| Qarğıdalı: | ||
| əsas əkinlər | 1.05 | 210 |
| təkrar əkinlər | 0,43 | 86 |
| Darı: | ||
| əsas əkinlər | 1.05 | 210 |
| təkrar əkinlər | 0,43 | 86 |
| Sorqo: | ||
| əsas əkinlər | 0.7 | 140 |
| təkrar əkinlər | 0,43 | 86 |
| Digər dənli və dənli paxlalılar (buğda, arpa, çovdar, vələmir, noxud, lobya, mərci və s.) | 1.05 | 210 |
| Qarabaşaq | 1,1 | 220 |
| Yer fındığı | 1,1 | 220 |
| Zəfəran | 2,2 | 440 |
| Günəbaxan: | ||
| əsas əkinlər | 1,2 | 240 |
| təkrar əkinlər | 0,43 | 86 |
| Kartof: | ||
| əsas əkinlər | 1,4 | 280 |
| təkrar əkinlər | 0,43 | 86 |
| Tərəvəz | 1,3 | 260 |
| Bostan bitkiləri | 1,2 | 240 |
| Yonca | 0,35 | 70 |
| Digər bitkilər (pambıq, tütün və şəkər çuğunduru istisna olmaqla) | 0,65 | 130 |
| Üzüm: | ||
| bağın salındığı ildən ilk 4 il ərzində | 3,2 | 640 |
| 4 ildən sonrakı illər üzrə | 1,25 | 250 |
| Üzüm bağının salınması üçün (bir dəfəyə məxsus) | 40 | 8000 |
| Çay: | ||
| plantasiyanın salındığı ildən ilk 7 il ərzində | 3,7 | 740 |
| 7-ci ildən sonrakı illər üzrə | 1,25 | 250 |
| İntensiv meyvə bağları: | ||
| bağın salındığı ildən ilk 4 il ərzində | 3,65 | 730 |
| 4 ildən sonrakı illər üzrə | 1,25 | 250 |
| İntensiv fındıq bağlarının salınması üçün (bir dəfəyə məxsus) | 22 | 4400 |
| İntensiv nar bağlarının salınması üçün (bir dəfəyə məxsus) | 25 | 5000 |
| İntensiv zeytun bağlarının salınması üçün (bir dəfəyə məxsus) | 24,5 | 4900 |
| İntensiv limon bağının salınması üçün (bir dəfəyə məxsus) | 55 | 11000 |
| İntensiv naringi və portağal bağlarının salınması üçün (bir dəfəyə məxsus) | 45 | 9000 |
| Digər meyvə bağları | 1,25 | 250 |
| Şabalıd bağlarının salınması üçün (birdəfəyə məxsus) | 2,5 | 500 |
| Damcı suvarma sistemi ilə təmin olunmuş kivi bağları üzrə bağın salındığı ildən ilk 4 il ərzində | 3,2 | 640 |
| Damcı suvarma sistemi ilə təmin olunmuş kivi bağlarının salınması üçün (bir dəfəyə məxsus) | 45 | 9000 |
| Digər giləmeyvəlilər | 1,15 | 230 |
