Paytaxtın Suraxanı rayonunda narkotik vasitələrinin təsiri altında taksi fəaliyyəti ilə məşğul olan sürücü saxlanılıb. Bu barədə dekabrın 24-də Daxili İşlər Nazirliyindən məlumat verilib.
Hövsan qəsəbəsində yaşayan sürücü idarə etdiyi “Mercedes” markalı avtomobilin sükanı arxasında olan zaman saxlanılıb. Təyin olunan ekspertiza zamanı onun sükan arxasında narkotik vasitənin təsiri altında olduğu müəyyən edilib.
Sürücü barəsində protokol tərtib olunub.
Cari ilin 9 ayı ərzində narkotik vasitələrin təsiri altında avtomobil idarə edən 650 sürücü saxlanılıb.
