Nəqliyyat, Rabitə və Yüksək Texnologiyalar Nazirliyi təqaüd proqramı elan edib. Bu baradə nazirliyin saytında 8 sentyabr tarixində məlumat verilib.
Təqaüd proqramından 6-11-ci sinif şagirdləri, tələbələr və ali təhsilini başa vurmuş şəxslər, yeni ixtisasa yiyələnmək və ya biliklərini dərinləşdirmək istəyən hər kəs yararlana bilər.
Təlimlər oktyabr ayında başlayacaq. İştirakçıların təhsil haqları nazirlik tərəfindən ödəniləcək.
Layihənin məqsədi informasiya texnologiyalarının müxtəlif istiqamətləri üzrə kadrların yetişdirilməsini sürətləndirmək və həmin sahələrdəki mövcud çatışmazlıqları aradan qaldırmaqdır.
Proqramda iştirak etmək istəyənlər 20 sualı cavablandıraraq qeydiyyatdan keçə bilərlər.
