Avqustun 15-i qəzaya düşən bloger Nicat Şakirlidə müayinələr zamanı sağ və solda birinci qabırğanın sınığı aşkarlanıb.
Bu barədə 16 avqust tarixində Report TƏBİB-ə istinadən xəbər verib.
Nicat Şakirli sağ yuxarı ətrafın dirsəkdən amputasiyası diaqnozu ilə ağır vəziyyətdə Kliniki Tibbi Mərkəzin Reanimasiya şöbəsinə yerləşdirilib. Onun vəziyyəti stabil olaraq qalır.
Müayinələr zamanı pasiyentdə sağ və solda birinci qabırğanın sınığı da aşkar olunub.
Hazırda dinamiki müşahidə və müalicəsi davam etdirilir.
Xatırladaq ki, qəza avqustun 15-i gecə saatlarında paytaxtın Nizami rayonunun Heydər Əliyev prospektində baş verib.
