ABŞ-ın Nyu-York şəhərində 11 sentyabr qurbanlarının 22-ci ildönümü qeyd edilir. Bu barədə Report 12 sentyabr tarixində xəbər verir.
2001-ci ildə Ümumdünya Ticarət Mərkəzinin Əkiz Qüllələrində törədilən terror hücumlarının ildönümündə bütün federal binalarda dövlət bayraqları endirilib, şəhərdə 1 dəqiqəlik süküt elan olunub və kilisələrin zəngləri çalınıb.
9/11 Memorialının olduğu ərazidə həlak olanların adları oxunub. Nyu-Yorkun Manhetten adasında keçirilən mərasimdə şəhər meriyası və ABŞ-nin vitse-prezident Kamala Harris də iştirak edib. Faciə qurbanlarının yaxınları onların adılarının yazıldığı mərmər lövhələrin önünə çiçək dəstələri buraxıblar. 9/11 Memorialının nizamnaməsinə görə, faciə qurbanlarından doğum günü olan şəxslərin adlarının üzərinə ağ qızılgüllər qoyulub.
Rəsmi mərasimdən sonra Ümumdünya Ticarət Mərkəzinin yerində ucaldılmış "Sıfır Nöqtəsi" xatirə memorialı və 9/11 Muzeyi ziyarətçilərə açılıb. Anım mərasimi gün ərazində davam edəcək
ABŞ-də 11 sentyabr tarixi Vətənpərvərlik Günü və Dualar Günüdür.
Xatırladaq ki, 2001-cı il sentyabrın 11-də ABŞ-də dünya tarixində misli görünməmiş terror aktları törədilib. Faciə nəticəsində 2 977 nəfər ölüb, 6 300 nəfərə yaxın isə yaralanıb.
Terror aktı nəticəsində Nyu-York şəhərinə dəyən zərərin ümumi həcmi 36 milyard dollar təşkil edib. Əkiz binaların dağıntılarının təmizlənməsi isə 8 aydan çox vaxt aparıb.
[caption id="attachment_129301" align="alignnone" width="696"]
Foto Report.az saytı[/caption]
