İşğal dövründə bir milyona yaxın vətəndaşımız məcburi köçkün düşüb. Bu gün müharibədən zərərçəkənlərin hüquqlarının müdafiəsi üçün işlər görülür. Bu barədə Ombudsman Səbinə Əliyeva 10 Dekabr - Beynəlxalq İnsan Hüquqları Günü münasibətilə keçirilən tədbirdə bildirib.
Onun sözlərinə əsasən, mina xəritələrinin verilməməsi insan hüquqlarının tam bərpası sahəsində çətinliklər yaradır.
“Ermənistan tərəfindən verilən mina xəritələrinin yalnız 25%-i doğrudur. Biz bir neçə dəfə beynəlxalq qurumlara müraciət etmişik. Lakin Ermənistan minalı ərazilərin tam dəqiq xəritələrini verməkdən imtina edib. Bu səbəbdən də bu günə qədər bir çox soydaşlarımız mina qurbanı olub", - deyə S. Əliyeva vurğulayıb.
