Aprelin 19-da Aqrar Kredit və İnkişaf Agentliyi tərəfindən payızlıq əkinlərə görə 44 min 423 fermerə ümumilikdə 21 milyon 660 min manatdan artıq subsidiya ödənişi həyata keçirilib. Bu barədə 19 aprel tarixində Kənd Təsərrüfatı Nazirliyi məlumat verib.
Məlumata əsasən, 2021/2022-ci il üçün payızlıq əkinlərə görə fermerlərə 173 milyon manatdan çox subsidiya ödənilib.
Qeyd edək ki, subsidiyalar “Fermer kartı”na köçürülür. Fermerlər karta köçürülmüş vəsaitin 25%-ni bankomatlar vasitəsilə nağdlaşdıra, 75%-ni isə qeyri-nağd şəkildə kənd təsərrüfatı istehsal vasitələri və suvarma sistemlərinin alınmasına və qurulmasına sərf edə bilərlər.
