Polis Akademiyasına ali təhsilin bakalavriat, magistratura və doktorantura səviyyələrinə qəbul qaydaları təsdiqlənib. Bu haqda dekabrın 9-da DİN məlumat verib.
Daxili işlər orqanları əməkdaşlarının Akademiyaya qəbulu müsabiqə yolu ilə həyata keçiriləcək. Müsabiqədə iştirak ödənişsizdir.
Müsabiqənin keçirilməsi üçün 7 nəfərdən ibarət komissiya yaradılacaq.
Daxili işlər orqanları əməkdaşlarının Akademiyada təhsili dövlət büdcəsinin vəsaiti hesabına maliyyələşdiriləcək.
Qəbul olunanlar ezam ediləcəklər. Akademiyada təhsil alan əməkdaşların vəzifə və xidmət yerinin dəyişdirilməsinə, həmçinin ştat ixtisarı ilə əlaqədar xidmətdən xaric edilməsinə yol verilmir.
