Astarada polisi öldürməyə cəhddə və narkotikin qanunsuz dövriyyəsi ilə məşğul olmaqda təqsirləndirilən şəxsə 17 il 7 ay cəza verilib. Bu haqda martın 11-də Report məlumat verib.
Məhkum apellyasiya şikayəti versə də, hökm dəyişdirilmədən saxlanılıb.
Hadisə 2020-ci ilin avqust ayında rayonun Şahağacı kəndində baş verib. Polis əməliyyat-axtarış tədbirləri ilə əlaqədar kənd sakininin avtomobilinə baxış keçirib. Bu zaman o, polis əməkdaşının döş qəfəsi nahiyəsinə bıçaqla zərbə vurub. Saxlanılan şəxsin üzərində və avtomobilində narkotik və psixotrop maddələr aşkar edilərək götürülüb.
Həmin şəxs istintaqa cəlb olunub və onun barəsində cinayət işi açılıb.
