Postmüharibə dövründə 2 772 müharibə iştirakçısına əlillik təyin edilib. Bu barədə aprelin 12-də Əmək və Əhalinin Sosial Müdafiəsi Nazirliyindən məlumat verilib.
Vətən müharibəsi şəhidlərinin ailə üzvləri olan 7 969 şəxsə 15 922 sosial ödəniş təyin olunub.
Ötən dövrdə 12 500-dən çox şəhid ailəsi və müharibə əlili mənzil və ya fərdi evlə təmin edilib. Bu günədək 7 400 müharibə əlili avtomobillə təmin olunub.
Postmüharibə dövründə şəhid ailə üzvləri, müharibə iştirakçıları, erməni terrorundan zərər çəkən şəxslər də daxil olmaqla 11 minə yaxın şəxs aktiv məşğulluq proqramlarına cəlb olunub.
Həmçinin 8 minə yaxın şəxsə 23 minədək sosial-psixoloji dəstək və reabilitasiya xidməti göstərilib. 270 nəfər müharibə əlili yüksək texnologiyalı protezlərlə təmin edilib.
Ümumilikdə, postmüharibə dövründə sosial dəstək tədbirləri 1 aprel 2022-ci il tarixə 100 minədək şəxsi əhatə edib, onlara 166 min xidmət göstərilib.
