Yaponiyada prokuror 56 il əvvəl edam cəzasına məhkum edilmiş 88 yaşlı kişidən üzr istəyib.
İnsanoid.com xarici KİV-ə istinadən xəbər verir ki, İvao Hakamata peşəkar boksçu olub. O, 1968-ci ildə müdirini, həyat yoldaşını və iki uşağını öldürməkdə təqsirli bilinib. Boksçu cinayəti törətdiyini etiraf edib və ölüm cəzasına məhkum edilib.
46 il həbsxanada ölüm hökmünün icrasını gözləyib və bunun üçün 2011-ci ildə Ginnesin Rekordlar Kitabına düşüb. O, 2014-cü ildə sərbəst buraxılıb. Sübut olunub ki, onun DNT-si cinayətkarın hadisə yerindən toplanmış nümunələri ilə uyğun gəlmir.
O vaxtdan Hakamada psixi və fiziki vəziyyəti pisləşdiyi üçün bacısının himayəsində yaşayır.
2023-cü ildə Yaponiyanın Ali Məhkəməsi dəlillərin uydurma olduğuna və Hakamatanın polisin təzyiqi altında günahı boynuna aldığına dair qərar verib.
