2021-ci il ərzində qanunsuz ov edən və mülki silahın daşınması qaydalarını pozan şəxslər 42 020 manat cərimələniblər. Bu haqda yanvarın 12-də DİN məlumat verib.
Ümumilikdə 938 nəfər barəsində inzibati tənbeh tədbiri görülüb.
Qanunsuz ağackəsmə faktı üzrə 85, balıq və başqa su heyvanlarını tutmağa görə 109, qanunsuz ovla bağlı isə 1 cinayət işinə başlanılıb.
Eyni zamanda ötən il “su obyektlərinin mühafizə qaydalarının pozulması”, “məişət tullantılarının tutumlardan kənara atılması” və “sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi” maddələrinin tələblərini pozan 3191 nəfər barəsində inzibati tənbeh tədbiri görülüb və onlar 157 880 manat cərimə olunublar.
