İçərişəhərin Qala divarları bayram günlərində bir qrup vandalların hücumuna məruz qalıb. Bu barədə noyabrın 10-da “İçərişəhər” Dövlət Tarix-Memarlıq Qoruğu İdarəsindən məlumat verilib.
Məlumata əsasən, Qala divarları yetkinlik yaşına çatmayanların qurbanı olub: “Hadisə ilə bağlı hüquq-mühafizə orqanlarına məlumat verilmiş və bu çirkin əmələ yol vermiş üç yeniyetmə saxlanılmış, onlara qarşı qanunvericiliyə əsasən sanksiyalar tətbiq edilmişdir”.
İdarədən bildirilib ki, tarixin qəsdinə duran vandallar bundan sonra da saxlanılıb hüquq-mühafizə orqanlarına təhvil veriləcək: “Onların əməllərinə cinayət tərkibi olan əməl kimi hüquqi qiymət veriləcək”.
[gallery columns="2" size="large" ids="12763,12764"]
