“Qayğı” Çağrı Mərkəzinə son iki ayda 1000-dən çox müraciət daxil olub. Bu barədə aprelin 13-də Əmək və Əhalinin Sosial Müdafiəsi Nazirliyindən məlumat verilib.
Müraciətlər, əsasən, mənzil və avtomobil təminatı, psixoloji dəstək, məişət zorakılığına məruz qalmış şəxslərə dəstək, müəssisələrə və mərkəzlərə qəbul qaydaları ilə əlaqəli olub.
Sözügedən mərkəz fevralın 1-dən fəaliyyətə başlayıb. Mərkəz həftənin 7 günü 24 saat ərzində işləyir. Bu çağrı mərkəzi sosial xidmətlərlə bağlı sualların cavablandırılması, məişət zorakılığı halları və çətin həyat şəraitində olan uşaqlarla bağlı, habelə onlayn-psixoloji dəstəyin göstərilməsi ilə əlaqədar müraciətlərin cavablandırılması üçün nəzərdə tutulub.
