"İqor mənim 35 illik dostum idi. Dərdimiz, sözümüz bir idi".
Musavat.com xəbər verir ki, bunu Aktauda qəzaya uğrayan təyyarənin pilotu İqor Kşnyakin dostu Müzəffər Mirzəyev deyib.
O bildirib ki, hətta qəza olan gün pilotla danışıb.
"Nəvəm gəlib dedi ki, İqor əminin təyyarəsi qəzaya uğrayıb. Tez ona zəng etdim. Bizim saatla 12:29 idi. Biz onunla 29 saniyə danışdıq. Dedi, ki, "vəziyyətim pisdir".
Onunla da əlaqə itdi, heç bir səs gəlmədi.
Belə insanın ölümü hamımızı şoka salıb. Qızı Anastasiya da pilot olmaq istəyirdi. İmtahandan 600 bal toplamışdı. Ailəvi dost idik. Sonuncu dəfə 1-ci gün görüşdüm. Məni əşya düşürmək üçün köməyə çağırmışdı".
