Qubada narkotiklərin qanunsuz dövriyyəsi ilə məşğul olan üç nəfər saxlanılıb. Bu barədə martın 25-də Daxili İşlər Nazirliyindən məlumat verilib.
Araşdırmalar zamanı məlum olub ki, paytaxt sakinləri Mais Alməmmədov, İlkin İbrahimov və Vahid Allahverdiyev Qubaya istirahət etmək məqsədi ilə gəliblər.
Həmin şəxslərdən külli miqdarda heroin, marixuana və metamfetamin götürülüb. Həmçinin M.Alməmmədovun avtomobilindən iki cib bıçağı aşkarlanıb.
Faktla bağlı cinayət işi başlanılıb, həmin şəxslər barəsində həbs qətimkan tədbiri seçilib.
