Sürücülərin 78%-i yol nişanlarında parkinqin ödənişsiz olması göstərildiyi halda onlardan ödəniş tələb edilməsi halları ilə rastlaşır. Bu haqda məlumat Sosial Tədqiqatlar Mərkəzinin 30 noyabr tarixli araşdırmasında əks olunub.
Sorğu nəticəsində məlum olub ki, sürücülərin rastlaşdığı problemlərdən biri park etmək üçün yerin tapılmamasıdır. Belə ki, onlar yer axtarışına ortalama 13 dəqiqə vaxt sərf etməli olurlar.
Araşdırmadan məlum olub ki, sürücülərin yarısı parklanma üçün ayda 1-10 manat pul xərcləyirlər. Sürücülərin 60%-ə yaxını son 1 il ərzində dayanma-durma və parkinqə görə cərimə ediliblər. Həmin sürücülərin 10%-i protokollardan birini, 6%-i ikisini və 4%-i isə üçünü əsassız hesab edir.
Keçirilən telefon sorğusunda 1 254 nəfər iştirak edib. Respondentlərin 37%-i müntəzəm olaraq şəxsi minik avtomobillərindən istifadə edir.
