İrandan Rusiyaya "tütün" yükü aparan "DAF" markalı nəqliyyat vasitəsində narkotik vasitə aşkar edilib. Bu barədə dekabrın 15-də Dövlət Gömrük Komitəsi məlumat verib.
Məlumata əsasən, nəqliyyat vasitəsinin sürücüsü “Astara” gömrük postunda saxlanılıb və sorğu-sual zamanı bəyan edilməyən əşyanın olmadığını söyləyib.
Daha sonra isə yoxlama nəticəsində avtomobilin kabinəsində, sürücü oturacağının altında və qabda olan aş yeməyinin içərisində gömrük nəzarətindən gizlədilən 2 ədəd bükümdə, ümumi çəkisi 12 qramdan artıq olan tiryək aşkarlanıb.
