Vergi ödəyiciləri ilə bağlı məlumatları əldə etmək daha da asanlaşıb. Bu haqda 7 dekabr tarixində Dövlət Vergi Xidmətinin rəsmi səhifəsində məlumat verilib.
Belə ki, vergi ödəyicisi digər ödəyicinin riskli vergi ödəyiciləri siyahısında olub-olmadığı barədə məlumatı açıq şəkildə əldə edə biləcək. Bunun üçün www.e-taxes.gov.az saytının “Riskli vergi ödəyiciləri barədə məlumatın verilməsi” bölməsinə daxil olmaq lazımdır.
Yeniliyin məqsədi riskli vergi ödəyicilərinin əməliyyatlarının sayının azaldılmasıdır.
Qeyd edək ki, 2021-ci ilin mart ayından riskli ödəyicilərlə bağlı məlumatlar kommersiya sirri sayılmır. Hesab edilir ki, belə ödəyicilərlə əməliyyatlar aparmaq digər vergi ödəyiciləri üçün risk deməkdir.
