Sağlamlıq imkanları məhdud uşaqların inkişafının təmin olunması və monitorinqi məqsədilə “Övladını tanı” adlı mobil tətbiqin təqdimatı olub. Bu haqda 19 noyabr tarixində Report məlumat verib.
Valideynlər mobil əlavə vasitəsilə 6 yaşına qədər olan övladlarının inkişaf dinamikasını qiymətləndirə, inkişafını planlaya və bunun üçün tapşırıqlar əldə edə bilər.
Tətbiqin yaradılmasında əsas məqsəd uşaqların əlilliyinin erkən aşkarlanması üçün aztəminatlı ailələrə dəstək olmaqdır.
Valideyn tətbiqdə qeydiyyatdan keçərək bir neçə övladı üçün özəl otaq yarada bilər. Əlavə vasitəsilə uşağın məlumatarı əsasında inkişaf dərəcəsini hesablamaq üçün uşağa bir necə suallar verilir. Daha sonra cavablar əsasında inkişafın hansı sahələrdə zəif olduğu haqqında hesabat təqdim edilir.
Bundan əlavə mobil tədbiq vasitəsilə uşağın nəticələrinə uyğun tapşırıqlar, uşaq psixiatrlarına birbaşa çıxış və digər xidmətlər də təqdim olunur.
Layihə Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sifarişi ilə hazırlanıb.
