Sabah Kənd Təsərrüfatı Nazirliyi tərəfindən Novruz bayramı ilə əlaqədar yarmarkaların fəaliyyətinin son günüdür. Bu barədə 18 mart tarixində Trend məlumat verib.
Məlumata əsasən, yarmarka sabah saat 09:00-dan başlayaraq axşam saat 19:00-a qədər davam edəcək. “Kənddən şəhərə” Novruz yarmarkalarında 50-yə yaxın regiondan 100-dən artıq fermer 50-yə yaxın çeşiddə kənd təsərrüfatı və qida məhsullarının satışını həyata keçirir.
Bildirilib ki, satışa çıxarılan məhsulların qiyməti fermerlər tərəfindən müəyyən olunur.
Qeyd edək ki, nazirlik tərəfindən Novruz bayramı ilə əlaqədar 12-19 mart tarixlərində “Kənddən şəhərə” yarmarkaları təşkil olunub.
