Sabah, aprelin 15-də saat 10:00-dan etibarən Qobustan Heyvandarlıq Nümayiş Kompleksində “Açıq qapı sərgi-satış yarmarkası” keçiriləcək. Bu haqda Kənd Təsərrüfatı Nazirliyindən məlumat verilib.
Fermerlər burada heyvanlara canlı baxış keçirə, satış və auksionda istədikləri heyvanları əldə edə bilərlər.
Kompleksin daxilində heyvan satışını həyata keçirən lizinq şirkətləri, heyvanların sığortalanması üçün sığorta şirkətləri fəaliyyət göstərir.
Belə satışların təşkil edilməsində əsas məqsəd fermerlərin cins heyvanlara əlçatanlığına, ölkədə heyvanların cins tərkibinin yaxşılaşdırılmasına nail olmaqdır.
Kompleks həftə içi 5 gün, saat 09:00-dan 18:00-dək fəaliyyət göstərir.
